O profesor e escritor Carlos Taibo impartirá unha interesante conferencia na que colabora o noso grupo de investigación. A actividade, baixo o título "Ante a crise ecolóxica: unha defensa do decrecemento" terá lugar o próximo 7 de outubro ás 19h, no Ateneo de Santiago (Rúa do Vilar, 19).
No marco das xornadas que Nova Escola Galega organiza no comezo do curso académico, o noso compañeiro Antón Costa Rico guiará o próximo 12 de setembro un roteiro sobre a historia da cidade Compostela desde a perspectiva do ensino. O roteiro, en localizacións tanto exteriores como interiores, dará comezo ás 16:30h na estatua de Monterio Ríos, na praza de Mazarelos.
Os Foros Internacionais OcioGune son un espazo para a aprendizaxe, a reflexión e o diálogo en tono a diferentes realidades dos tempos educativos e sociais. Nesta edición 2024 abordarase o tema de Tempos, cidades sostibles e emerxencia climática, afondando no papel da educación e do lecer nos espazos urbanos para afrontar a transición socioecolóxica.
O programa completo pódese consultar aquí:
A UNESCO incorpora ao seu Thesaurus/Tesauro a expresión e o concepto de PEDAGOXÍA SOCIAL (en varios idiomas), como resultado dun proceso de consultas e deliberacións promovidas por unha Comisión constituída ad hoc no seo da Executiva da Sociedade Iberoamericana de Pedagoxía Social (SIPS), na que participaron activamente dúas persoas do noso grupo de investigación: a profesora Rita Gradaílle, como Vicepresidenta da Sociedade, e o profesor José Antonio Caride como vogal honorario, na súa condición de ex-Presidente da SIPS.
Poden consultarse en:
http://vocabularies.unesco.org/thesaurus/concept17172
Trátase dunha magnífica nova, que permitirá facer uso desta expresión, unha vez atribuído o correspondente código, nos múltiples rexistros, palabras-chave, indicadores, etc. nos que se require mencionarse para identificar Teses de Doutoramento, Proxectos de Investigación, concursos de prazas, etc. Ademais de representar unha achega relevante para a Pedagoxía Social en todos os seus percorridos científicos, académicos, profesionais, institucionais, etc. contribúe a amplificar a entidade do grupo de Investigación SEPA-interea, que ten na expresión "Pedagoxía Social" un dos seus principais sinais de identidade.
No marco da materia "Políticas Socioeducativas e Dereitos Humanos" do primeiro curso do Grao en Pedagoxía, están programadas dúas actividades académicas na Universidade de Santiago de Compostela para os días 7 e 14 de maio de 2024. O obxectivo principal destas actividades é reflexionar sobre a concreción dos Dereitos Humanos a través de figuras profesionais, proxectos e iniciativas no ámbito socioeducativo e universitario.
O noso compañeiro do grupo SEPA-interea Xosé Antonio Caride moderará o próximo 6 de xuño a Mesa redonda "Pierre Furter e Paulo Freire: aproximações e legado para a educação libertadora" na que participarán Mario Viche González e Juliano Peroza.
Poderase seguir na seguinte ligazón: https://meet.google.com/zum-ejzm-vac
O CEPLI xunto coa Rede Internacional de Universidades Lectoras (RIUL), a Sociedade Iberoamericana de Pedagoxía Social (SIPS) e os grupos de investigación Psicoloxía, Educación e Lectura (PEL) da Universidade de Castela-A Mancha, Investigación en Pedagoxía Social e Educación Ambiental (SEPA-interea) da Universidade de Santiago de Compostela e Educación Literaria, Cultura e Sociedade (ELCIS) da Universidade de Valencia crearon os Premios de Investigación Lectura e Educación Social. Trátase dunha estratexia destinada a fomentar e recoñecer os traballos de investigación que aborden, de forma explícita, a lectura en Educación Social mediante a concesión de dous premios:
1) o que se outorgará aos estudantes que realizasen o seu TFG nunha Universidade española, sobre o tema que motiva a convocatoria
2) o que se outorgará, sobre esta temática, a un artigo de investigación publicado nunha revista española indexada cun índice de calidade.
