Novas de interese

Grupo de Investigación SEPA

A pasada fin de semana, parte do Grupo SEPA Interea participou no encontro de Xoves Investigadoris do Programa de Doutoramento en Equidade e Innovación Educativa, organizado este ano pola UDC.

Este encontro foi de suma importancia para as e os investigadores do noso Grupo, a fin de lograr tecer redes entre as distintas universidades que forman parte do doutoramento interuniversitario, así como tamén unha oportunidade para dar visibilidade ás diferentes liñas de investigación.

O noso compañeiro Antonio García Vinuesa estará estes días realizando dúas estancias de investigación no marco do proxecto "Educar a tiempo ante la emergencia climática y la transición socioecológica: realidades y desafíos para la educación en contextos escolares y sociales (resclim@tiempo)" (PID2022-136933OB-C21/C22).

Este luns 26 de maio terá lugar na UNAM (México) a conferencia titulada "La educación ambiental en tiempos de emergencia climática: Resultados y conclusiones de la línea de investigación Rescli@Tiempo" que impartirá o noso compañeiro Antonio García Vinuesa. Nela presentará a traxectoria do noso grupo e os principais resultados e conclusións da liña de investigación Resclim@Tiempo (PID2022-136933OB-C21/C22).
 
A duración da conferencia será de 60-90 minutos. Nela realizarase un percorrido polos resultados obtidos nos diferentes proxectos desenvolvidos desde o grupo de investigación SEPA-interea, nos que nos interesamos por comprender como a educación e, en particular, os sistemas educativos están a responder aos retos que representa o cambio climático e a súa manifestación como emerxencia climática.
 
Presentaranse e compararanse os resultados obtidos con diferentes colectivos de estudantes de distintos niveis educativos (secundaria media, secundaria superior e universitario) e de diversos contextos internacionais (Brasil, España, Italia, México, Mozambique e Portugal), co obxectivo de coñecer as representacións sociais destes colectivos e comprender e valorar a influencia dos sistemas educativos na súa (re)elaboración.
 
Transmisión en vivo no canal de YouTube: https://www.youtube.com/c/suhfecimunam

 

No marco do proxecto "Educar a tiempo ante la emergencia climática y la transición socioecológica: realidades y desafíos para la educación en contextos escolares y sociales" (resclim@tiempo) e no proxecto de innovación educativa desenvolvido ao longo deste curso co alumnado de 2º do Grao en Pedagoxía, terá lugar a conferencia-coloquio "Futuros posibles nos que desexar vivir", a cargo de Miguel Brieva

A charla, moderada polo noso compañeiro Miguel Pardellas, terá lugar na Casa das Máquinas (Rúa Galeras - Santiago de Compostela), ás 19:30h. do día 8 de maio.

O 29 de abril de 2025, presentáronse na Facultade de Ciencias da Educación da Universidade de Santiago de Compostela (Campus Vida) os números 90 e 91 da Revista Galega de Educación.

O primeiro, coordinado por Xosé Cabido, versa sobre educación afectivo-sexual; mentres que o número 91 está coordinado por Héctor Pose Porto (Universidade da Coruña) e o noso compañeiro Xabier Riádigos Couso, levando por título “Comunidade e participación das infancias”.

Máis artigos

  1. O noso compañeiro Álex Rey recoñecido no 11º Concurso TFG.eduso
  2. Presentación en Lugo do libro en homenaxe ao profesor Antón Costa
  3. Pablo Ángel Meira Cartea será investido Doutor Honoris Causa pola Universidad Veracruzana (México)
  4. I Congreso Internacional, Profesional e Interuniversitario de Educación Social
  5. Comezamos a difundir a nosa actividade tamén en Bluesky
Páxina 2 de 28