Novas de interese

Grupo de Investigación SEPA

Avaliação e monitoramento de políticas públicas de educação ambiental no Brasil: transição para sociedades sustentáveis

 

Co afán de dar a coñecer traballos que contribúan a mellorar a nosa educación e o mundo, compartimos o libro “Avaliação e monitoramento de políticas públicas de educação ambiental no Brasil: transição para sociedades sustentáveis”. Esta publicación é o resultado do proceso participativo de construción do Sistema Brasileño de Monitoreo e Avaliación de Políticas Públicas de Educación Ambiental-MonitoraEA (http://www.monitoraea.org.br/).

Tanto o libro como o Sistema MonitoraEA foron lanzados o 13 de novembro en Brasilia/DF, durante o Seminario Nacional que abordou o tema presentando os primeiros resultados do Sistema e, en particular, os indicadores de políticas públicas para a educación ambiental.

Pódese consultar o libro no seguinte enlace: https://www.funbea.org.br/wp-content/uploads/2019/11/livro-MonitoraEA.pdf
 

Desde a Universidade das Illas Baleares, a través do grupo de investigación GIFES ponse en marcha o curso de Experto Universitario en Prevención de drogodependencias.
O curso integra o material do Currículum Universal de prevención e o material desenvolvido no proxecto UPC-Adapt, no que participou o grupo, que tiña como obxectivo proporcionar un currículum estandarizado en prvención para Europa. Representa pois, unha oportunidade única para traballar con este completo currículum.
A modalidade do curso é online e a matrícula está xa aberta ata o 30 de xaneiro de 2020.
 
Podedes encontrar máis información aquí     
 

En 2019, co motivo da celebración do XXV Aniversario da Cátedra Ocio y Discapacidad pertencente ao Instituto de Estudios de Ocio da Universidade de Deusto, no que o grupo SEPA-interea leva colaborando durante décadas, actualizouse o Manifesto por un Ocio Inclusivo mediante un proceso participativo aberto e anónimo online no que participaron entidades e institucións de todo o Estado vinculadas ao ocio e/ou discapacidade.

O texto orixinal articulouse en 2003 no marco do Congreso europeo Ocio, Inclusión y Discapacidad, organizado pola Cátedra Ocio y Discapacidad. E revisouse en 2004 para a celebración dos 20 anos. O texto actual foi traducido ao inglés e euskera, e adaptado a lectura fácil en castelán e euskera.

 

Os cinco documentos están dispoñibles na versión dixital e pódense solicitar enviando un e-mail a Este enderezo de correo está a ser protexido dos robots de correo lixo. Precisa activar o JavaScript para velo.ou facendo click nos seguintes enlaces:

Manifesto por un Ocio Inclusivo (castelán): https://bit.ly/35H5TIn

Manifesto por un Ocio Inclusivo (lectura fácil): https://bit.ly/306bIhn

Nestas xornadas organizadas polo alumnado da materia de Educación Social nas políticas culturais do curso 2019/2020 analizaranse os modelos de políticas culturais e as súas implicacións no desenvolvemento das comunidades nos contextos rurais e urbanos, promover a reflexión sobre o perfil profesional do Educador/a Social no quefacer cultural. Daranse a coñecer experiencias prácticas de proxectos de sociocultura nos contextos rurais e urbanos co obxectivo de favorecer o coñecemento de ferramentas e metodoloxías para a acción educativa no ámbito da sociocultura.

A inscripción é de balde e para reservar a tua praza escribe ao seguinte correo: Este enderezo de correo está a ser protexido dos robots de correo lixo. Precisa activar o JavaScript para velo.

Lugar: Salón de actos da Facultade de Ciencias da Educación (Campus Vida)

Data: 27 de novembro de 2019

Os pasados 10 e 11 de outubro celebrouse o Coloquio Internacional L'Éducation relative au Changement Climatique, organizado polo Centr'ERE na Université du Québec à Montréal.

Dende o Proxecto Resclima, liderado polo grupo SEPA-interea, participamos presentando os nosos últimos resultados e os novos proxectos de investigación na primeira sesión do venres 11.

O día 8 de outubro a asociación Aliad-Ultreia, compañeiras do grupos SEPS-interea, tivo a firma do convenio con "la Caixa", reforzando un apoio que nos permitirá dar continuidade ao Plan de Animación Sociocultural na prisión de Monterroso, xunto ao noso grupo. Nesta nova fase:


- Búscase reforzar con actividades formativas a radio comunitaria LibreMente e as actividades deportivas de verán, dúas iniciativas impulsadas polos presos capacitados como monitores de tempo libre na fase anterior.

- Darase continuidade aos proxectos de voluntariado e á incorporación da prisión aos circuítos socioculturais municipais, experiencias que acrecentan as oportunidades de participación e o intercambio coa comunidade.

- Preocupadas polo escaso nivel formativo da maioría da poboación reclusa, que non ten o graduado en ESO, nesta ano incorporamos o traballo de información e motivación cara a escolaridade, así como o apoio a iniciativas de reforzo educativo.

- E, coma sempre, continuaremos coas accións dirixidas a investigar, formar, sensibilizar e reivindicar un novo modelo de prisión, que poña no centro a EDUCACIÓN.

 

O Centro de Estudios de Promoción de la Lectura y Literatura Infantil (CEPLI) e a FACULTAD DE CIENCIAS DE LA EDUCACIÓN Y HUMANIDADES de Cuenca (UCLM) presentan: o Congreso Internacional SOCIEDAD Y CULTURA LETRADA que terá lugar na cidade de Cuenca os días 21 e 22 de novembro de 2019. Un congreso organizado xunto á USC da man do grupo SEPA-interea e a rede RINEF-CISOC.

Máis artigos

  1. ELABORACIÓN DUNHA INVESTIGACIÓN DIAGNÓSTICO-AVALIATIVA E PROSPECTIVA
  2. Seminário do projeto Cooperminho
  3. CLMNTK19 Aveiro
  4. A Animação Sociocultural, território rural, património, turismo, envelhecimento e desenvolvimento comunitário: Estratégias, recursos e métodos de combate ao despovoamento
  5. O profersor Caride volve a participar como xurado na "IV Edición Premios Fundación DOMUSVI"
Páxina 9 de 17