O días 10 e 11 de novembro, Nova Escola Galega organiza na Pontenova as IV Xornadas da Terra de Miranda, encontros de debate sobre o medio rural nos que participarán os nosos compañeiros Iván García e Francisco Candía, co relatorio "A experiencia histórica no rural: o uso da historia oral como estratexia didáctica".
Programa completo das xornadas.
Os vindeiros días 3 e 4 de novembro terá lugar o XXXIV Congresso Internacional de Animação Sociocultural: (re)conhecer competencias na cidade de Lisboa (Portugal), no que o profesor Jose Antonio Caride Gómez (SEPA-interea) participará o día 3 de novembro no PAINEL II – O caminho e futuro da Animação Sociocultural na era das competencias (12:00 – 13:00).
Os días 30 e 31 de outubro de 2023 terá lugar o V Congreso Internacional da Rede Internacional de Universidades Lectoras (RIUL) na Universidade de Málaga: “Cultura del Agua, Ecopatrimonio y ODS”, así como a Reunión do XII Plenario da RIUL na cidade de Málaga.
O profesor José Antonio Caride Gómez (SEPA-interea) estará presente para contribuir ao debate e diálogo na necesidade de crear respostas integradas dende a Ciencia e a Cultura neste momento grave de crise ambiental na que nos atopamos.
O programa completo pódese consultar nesta ligazón.
No contexto da exposición A ESCOLA NOVA… tamén entre nós (1921-2021), o xoves 19 de outubro ás 17:30h no salón de actos da Facultade de CC. da Educación (Campus Vida) terá lugar a mesa redonda “A renovación da educación no horizonte: vidas de educadoras/educadores e construción social”, na que intervirán Uxío Otero (USC), Xosé Manuel Cid (UVigo) e Mariló Candedo (UDC).
Lembramos que a exposición continúa no Claustro Alto do Colexio de Fonseca até o día 27 de outubro.
Este congreso internacional analiza e reflexiona sobre o papel da Educación no ámbito penitenciario a nivel internacional e nacional, incidindo na práctica e profesión da Educación Social Penitenciaria (ESP) (aprendizaxe durante a vida non curricular) como dereito da cidadanía privada de liberdade para o seu benestar, madurez social, reinserción, reinserción sociocomunitaria, así como prevención da reincidencia.
No marco das materias de Pedagoxía Hospitalaria e Deseño e avaliación de materiais didácticos do 4º grao de Pedagoxía, o próximo martes 17/10/2023 ás 16:30 desenvolverase a conferencia "La Pedagogía Hospitalaria: una mirada latinoamericana de un modelo de educación en la diversidad" por conta da profesora Clargina Monsalve (Directora Ejecutiva de Serendepia Consulting Group).
A continuación presentarase tamén o libro Materiales y recursos didácticos en Pedagogía Hospitalaria publicado recentemente na editorial Octaedro.
No contexto da nosa exposición A ESCOLA NOVA… tamén entre nós (1921-2021), o Consello da Cultura Galega organiza a conferencia de Mª del Mar del Pozo Andrés titulada "Entre a memoria persoal dunha nena e a memoria pedagóxica dun país: Decroly en España (1907-1970)", e que terá lugar o 3 de outubro ás 18:00 horas no Salón de actos do Consello da Cultura Galega (2º andar do Pazo de Raxoi, na Praza do Obradoiro de Santiago de Compostela).
