A partir de mañá celebraranse en Caldas da Rainha (Portugal) as XXX Xornadas Pedagóxicas de Educación Ambiental, baixo o tema principal "Territorios e políticas de proximidade: desafíos e oportunidades".
O sábado 27 de abril das 9:00 às 13:30h terán lugar no Edificio CERSIA (Rúa Alcalde Raimundo López. en Santiago de Compostela) as I Xornadas de Traballo Social Educativo que, baixo o lema "A peza que falta!", analizará a situación socioeducativa nos centros escolares. A nosa compañeira Diana Escobar moderará a mesa "Análise da situación social no sistema educativo en Galicia".
O proxecto Erasmus+ ‘EduCinema’ liderado pola Universidade de Santiago vén de ser recoñecido como modelo de boas prácticas na Unión Europea. O recoñecemento chega á par que a valoración como ‘moi bo’ do programa, con 92 puntos nunha escala de 100, do Servizo Español para a Internacionalización da Educación (SEPIE), encargado de xestionar os programas internacionais Erasmus.
A conversa que organizamos entre Juan Carlos Unzué e Ángel Carracedo baixo o título "Por una vida digna", no marco do noso ciclo Educación, ciencia e conciencia [EC²] no diálogo Universidade-Sociedade está disponíbel para ver integramente na seguinte ligazón de Afundación TV:
O noso compañeiro Iván García García participará na Xornada "A importancia do labor asociativo. Activando iniciativas para a transformación do territorio", que terá lugar na vila de Ribeira.
O obxectivo deste encontro é compartir aspectos das investigacións de doutoramento e posdoutoramento desas investigadoras sobre as temáticas do cambio climático e da educación rural. Buscamos abrir un espazo para reflexionar sobre a investigación académica realizada desde o contexto latinoamericano e vivida desde a experiencia de ser mulleres.
Desde o grupo SEPA-interea damos comezo ao ciclo Educación, ciencia e conciencia [EC²] no diálogo Universidade-Sociedade cunha conversa que, baixo o título "Por unha vida digna" reunirá a Juan Carlos Unzué (ex-futbolista, adestrador e enfermo de ELA) e a Ángel Carracedo (Catedrático de Medicina Legal, Xenética e Bioloxía de Sistemas da USC).
A Universitat Jaume I de Castellón organiza o próximo 11 e 12 de abril de 2024, en modalidade presencial e online, un simposio internacional que, baixo o título "Da utopía á educación transformadora", homenaxeará o pedagogo Pierre Furter.
Pierre Furter, que foi investido como Doutor Honoris Causa a proposta da Facultade de Ciencias da Educación da USC, foi un dos pedagogos máis significativos do século XX. Xunto a figuras como Paulo Freire ou Ivan Illich, exerceu unha influencia decisiva na renovación das representacións educativas nas últimas décadas do século. Temáticas como a educación permanente, a utopía, a educación de adultos, o desenvolvemento rexional, a escola rural, a androxenia, os espazos de formación integral ou a educación sociocultural foron traballadas por el, achegando o seu pensamento, praxe e investigación.
Obxectivos:
1. Actualizar os principais temas nos que traballou Pierre Furter, achegando o estado actual da cuestión en cada un destes campos.
2. Achegar estudos e investigacións arredor dos tres eixos temáticos que conforman a educación permanente e o desenvolvemento rexional.
3. Intercambiar proxectos e experiencias arredor da educación sociocultural transformadora
Eixos temáticos:
Eixo 1: Educación Permanente, Educación de Adultos
Coordinación: Manel Martí Puig (UJI), Lucilia Salgado (Asociación Portuguesa para a Educación e Formación Permanente)
Eixo 2: Educación, comunidade e desenvolvemento rural
Coordinación: Emma Vidal Prades (UJI), Antón Costa Rico ( Universidade de Santiago de Compostela)
Eixo 3: Espazos para unha educación sociocultural
Coordinación: Ántonio Alcántara (Universitat de Barcelona), Rui Fonte (Universidade de Tras-os-montes Alto Douro)
Toda a información en https://quadernsanimacio.net/simposiopierrefurter/
