Desde o Grupo SEPA-interea pretendemos contribuír a situar a Pedagoxía Social e a Educación Ambiental como ámbitos de coñecemento relevantes para as Ciencias Sociais e Humanas e, particularmente, para as Ciencias da Educación.

A actividade docente e investigadora que desenvolvemos toma como eixo vertebrador o compromiso cos valores cívicos e os dereitos humanos.

A Universidade de Santiago de Compostela é unha institución pluricentenaria con vocación de futuro e capacidade de proxección internacional, atenta ás necesidades da sociedade na que constitúe un referente académico e na que desenvolve o seu labor docente e investigador. Séculos de historia que achegan o valor engadido da solidez académica ás realizacións do presente e aos retos futuros.

Visitar a web de USC >>

Únete ao noso equipo!

O grupo de investigación SEPA-interea conta cunha dilatada traxectoria no campo da educación social. A súa actividade e liñas de investigación perseguen unha dobre e complementaria tarefa: dunha banda, a contribución para lograr un mellor e maior desenvolvemento da investigación educativa en e para a sociedade e, doutra, a promoción de novas lecturas na sociedade acerca da investigación educativa e das súas potencialidades para dar resposta ás necesidades e demandas que melloren a calidade da educación, o benestar das persoas e o desenvolvemento humano, en diferentes contextos e realidades.

Sobre Nós

O Grupo de Investigación en Pedagoxía Social e Educación Ambiental (SEPA) GI-1447, está adscrito ao Departamento de Pedagoxía e Didáctica da Universidade de Santiago de Compostela; e está dirixido polo Catedrático de Pedagoxía Social D. José Antonio Caride Gómez. O Grupo foi creado no ano 2000 e ten recoñecida a súa traxectoria investigadora como Grupo de Referencia Competitiva na área de Ciencias Sociais e Xurídicas no Sistema Universitario Galego, contando co financiamento da Xunta de Galicia e do Fondo Europeo de Desenvolvemento Rexional.

Que nos fai diferentes?

O GI SEPA-interea pretende contribuír a situar a Pedagoxía Social e a Educación Ambiental como áreas de investigación relevantes para as Ciencias Sociais e da Educación.

Proxectos en activo

Na actualidade traballamos en tres proxectos no ámbito local, nacional e internacional.

Máis información...

Proxectos rematados

A nosa experiencia fala por si mesma. Coñece os nosos proxectos finalizados para saber máis sobre nós.

Máis información...

Convenios e contratos

Traballamos con calquera institución pública ou privada mediantes convenios e contratos de colaboración.

Máis información...